الربح من الانترنت عن طريق التدوين

مقدمه :

رسم القلب ECG من الصفر الى الاحتراف :  المحاضره الاولى ورقة رسم القلب ECG Paper

لا شك ان من اهم الاشياء التى يجب ان يعرفها كل ممرض هو رسم القلب و هنا لا نتحدث عن عمل رسم القلب فقط و لكن عن قرائته و فهمه و هذا ما سوف نقدمه فى هذه السلسله المبسطه لشرح رسم القلب و التى سوف نبدئها بشرح ورقة الرسم و اهم المصطلحات الخاصه برسم القلب قبل ان نتطرق الى شرح الاساسيات  .

 مصطلحات لازم تعرفها :

Electrocardiography(gram)
 ( رسم ) القلب الكهربائى

ECG apparatus
الة التصوير 

ECG Paper
ورقة رسم القلب

ECG Electrodes
كاميرات التصوير (التوصيلات اللى بنوصلها بالعيان فى اماكن معينه )

ECG Leads
زوايا التصوير

ECG Waves
الموجات او الصوره او الرسم اللى بيظهر فى الورقه و هتتفهم اكتر فيما بعد 

شكل الورقه :

رسم القلب ECG من الصفر الى الاحتراف :  المحاضره الاولى ورقة رسم القلب ECG Paper

بص يا سيدى الورقه بتكون عن مربعات كبيره جوه كل مربع كبير 25 مربع صغير 5*5 عرض 5 و ده بيمثل المده او الوقت او duration و 5 طول و ده قوة الكهرباء او voltage amplitude طيب كده عرفنا لو لقينا شكل الموجه زايده لفوق كده كهرباء زايده و لو زايده عرض يبقى طولت عن مدتها و كده مشكله برضه طيب اى المقاسات الطبيعيه :

ال Duration
المربع الصغير =0.04 ثانيه =40ms=1mm
المربع الكبير=0.2 ثانيه =200ms=5mm

ال Voltage Amplitude
المربع الصغير =1mm=0.1mv
المربع الكبير =5mm=0.5mv

Standard Calibration

خلى بالك من ال Calibration و دى معايرة الجهاز اللى بترسم بيه ودى بتكون مكتوبه على ورقة الرسم لانه ممكن يكون مظبوط على اعدادات غير المعروفه فبالتالى تفسير الرسم هيكون مش صح معاك و دى حضرتك بتظبطها من الاعدادات طيب اى ال Standard بص حضرتك بيكون الطول او ال Voltage بتكون 2 مربع كبير =10mm=1mv و العرض او ال Duration بتكون 5mm=0.2ms=25mm/s يعنى من الاخر 2 مربع كبير طول *1 مربع كبير عرض تمام  .

طيب احنا اصلا بنغير الاعدادات دى ليه بص يا سيدى النبضات سريعه جدا و فيه موجات مش ظاهره كويس فاقدر العب فى المده فيرسم الموجه فى مده مضاعفه يعنى هخليها كده 50mm/s طيب النبضات بطيئه جدا و معنديش ورق كفايه فى الجهاز يرسم كفايه اقدر اخليها 12.5mm/s و كذلك الطول لو شكل ال QRS لقيته متداخل تقدر تغيره و تخليه 5mm=0.5mv و بكده الحاجه اللى كانت هتاخد 2 مربع كبير طول هتاخد مربع .

خلى بالك هنا من حاجه مهمه جدا لو غيرت فالاعدادات يبقى هتغير الحسابات بمعنى لو هنحسب heart rate على معايرة 25mm/s فهو هنا تمام طيب لو هحسب على معايرة 50mm/s يبقى الرقم اللى هيطلع هضربه فى 2 طيب لو هحسب على معايرة 12.5mm/s يبقى الرقم اللى هيطلع هقسمه على 2 .

اعداد

فهد عبدالتواب

تعديل المقال